Në Pejë, Meriton Fetaj është emëruar Drejtor i Drejtoratit për Zhvillim Ekonomik në Komuna e Pejës për një mandat katërvjeçar.
Fetaj e ka cilësuar këtë detyrë si një përgjegjësi të madhe ndaj qytetarëve, duke theksuar se do të punojë me transparencë, seriozitet dhe përkushtim për të sjellë rezultate konkrete në funksion të zhvillimit ekonomik të qytetit.
Ai ka shprehur mirënjohje për Kryetarin e Degës së Partia Demokratike e Kosovës në Pejë, Xhavit Haliti, për besimin dhe mbështetjen e dhënë, si dhe për Kryetarin e Komunës, Gazmend Muhaxheri, për besimin e akorduar.
Në deklaratën e tij, Fetaj është zotuar për bashkëpunim të hapur me institucionet dhe komunitetin e biznesit, duke vendosur interesin e qytetarëve mbi çdo interes tjetër. Sipas tij, Peja ka potencial të madh zhvillimor, i cili do të shndërrohet në mundësi konkrete për mbështetje të bizneseve dhe krijim të vendeve të reja të punës.
