Kryetari i Aleancës për Ardhmërinë e Kosovës (AAK), Ramush Haradinaj, qëndroi sot për vizitë në Pentagon, ku u prit në takim nga Alton Buland, Drejtor Kryesor për Evropën dhe Politikat e NATO-s në Zyrën e Sekretarit të Luftës.
Gjatë takimit, Haradinaj theksoi se Kosova do të mbetet gjithmonë mirënjohëse ndaj popullit dhe shtetit amerikan.
“Po ashtu, nënvizova se tani është koha e duhur për anëtarësimin e Kosovës në NATO”, ka shkruar Haradinaj në Facebook.
Haradinaj shtoi se Ushtria e Kosovës do të jetë gjithmonë krah për krah me Ushtrinë e Shteteve të Bashkuara të Amerikës dhe me ushtritë e shteteve të tjera anëtare të Aleancës Veri-Atlantike.
