Dy kirurgë dyshohen se janë përfshirë në një përleshje fizike gjatë mëngjesit të së hënës në Qendrën Klinike Universitare të Kosovës.
Sipas Policisë, incidenti fizik ka ndodhur rreth orës 08:00.
Autoritetet bëjnë të ditur se Sektori i Hetimeve të Kryeqytetit ka marrë përsipër trajtimin e rastit që është cilësuar si “sulm” dhe po punon për sqarimin e plotë të rrethanave.
“Sot rreth orës 08:00, kemi pranuar informatën për një përleshje fizike, e cila ka ndodhë në QKUK në Prishtinë. Bazuar në të dhënat fillestare, në këtë rast janë përfshirë dy persona. Në koordinim me Prokurorin e Shtetit rasti është iniciuar Sulm. Sektori i Hetimeve të Kryeqytetit po merret për sqarimin e plotë të rrethanave të rastit”, ka thënë për KOHËN, zëdhënësi i Policisë, Enis Pllana.
