Drejtoria për Kulturë, Rini dhe Sport (DKRS) ka ndërmarrë një hap tjetër të rëndësishëm drejt zhvillimit dhe masovizimit të sportit nëpër shkolla.
Në kuadër të „Projektit Gjithëpërfshirës për Masovizimin e Sportit te Nxënësit“, DKRS ka angazhuar një ekip profesoreshash dhe profesorësh të rinj të edukimit fizik, të cilët do të shërbejnë si trajnerë për gjeneratat e reja.
Ky projekt synon identifikimin, zhvillimin dhe promovimin e talenteve të reja sportive, duke u ofruar nxënësve mundësi më të mëdha për t’u marrë me aktivitet fizik që në mosha të herëshme.
Trajnerët e angazhuar sipas disiplinave:
Për realizimin e këtij programi, DKRS ka mirëpritur gjashtë profesionistë të cilët do të udhëheqin disiplina të ndryshme sportive:
Volejboll: Dorentina Thaqi Husaj
Handboll: Bujar Lajqi
Basketboll: Gresa Nikqi
Futboll: Art Gjikolli
Xhudo: Fatos Tabaku dhe Krenare Xheladini
Nga DKRS kanë bërë të ditur se ky investim ka për qëllim krijimin e një baze më të fortë për sportin shkollor dhe promovimin e një stili të shëndetshëm e aktiv të jetesës mes të rinjve.
Së bashku po ndërtojmë një bazë më të fortë për sportin shkollor, duke krijuar më shumë mundësi për talentet e rinj dhe duke promovuar një mënyrë jetese aktive e të shëndetshme. Sporti fillon në shkollë – e ardhmja ndërtohet sot!“, thuhet në njoftimin e DKRS-së.
Me angazhimin e kuadrove të reja profesionale, projekti pritet të sjellë një dinamikë të re në aktivitetet jashtëkurrikulare dhe të rrisë cil
