Një situatë e pazakontë ka ngritur shqetësim të madh te ndjekësit e Benita Zena, ish-banore e Big Brother VIP Kosova.
Gjatë orëve të fundit, llogaria e saj zyrtare në Instagram, ku ajo kishte ndërtuar një audiencë të gjerë me mijëra ndjekës, është bërë e paarritshme. Përdoruesit që kanë tentuar të vizitojnë profilin e saj janë përballur me mesazhe si “User not found” dhe “No posts yet”, ndërsa profili shfaqet i zbrazët.
Kjo situatë ka nxitur menjëherë reagime dhe aludime në rrjete sociale, ku shumë fansa dyshojnë se Benita mund të ketë rënë pre e një hakimi, duke humbur kontrollin mbi llogarinë e saj personale. Megjithatë, nuk përjashtohet as mundësia që profili të jetë çaktivizuar përkohësisht nga vetë ajo.
Deri në këto momente, nuk ka asnjë reagim apo sqarim zyrtar nga Benita Zena përmes kanaleve të tjera të komunikimit, duke lënë hapësirë për pikëpyetje dhe interes të shtuar nga publiku.
Ndjekësit mbeten në pritje të një deklarate që do të sqarojë nëse bëhet fjalë për një problem teknik, një vendim personal apo për një ndërhyrje të paautorizuar në llogarinë e saj.
