UASHINGTON – Presidenti amerikan, Donald Trump, deklaroi se është “shumë pak e besueshme” që SHBA-ja do të zgjasë armëpushimin aktual me Iranin, duke paralajmëruar se në mungesë të një marrëveshjeje të shpejtë, sulmet ushtarake do të rinisin me intensitet të lartë.
Gjatë një komunikimi për mediat, Trump theksoi se nuk do të pranojë asnjë “marrëveshje të keqe” me Teheranin. Ai shtoi se nëse nuk arrihet një dakordësi përpara skadimit të afatit dy javesh të mërkurën në mbrëmje, “shumë bomba do të fillojnë të bien”. Presidenti konfirmoi gjithashtu se bllokada detare mbi portet iraniane do të mbetet në fuqi deri në nënshkrimin e një dokumenti përfundimtar.
Ndërkohë që retorika luftarake përshkallëzohet, një delegacion i nivelit të lartë amerikan po bëhet gati për negociata në Pakistan.
Nënkryetari JD Vance, i shoqëruar nga emisarët Steve Witkoff dhe Jared Kushner. Trump pretendoi se ekipi ishte nisur tashmë, ndonëse Vance u pa në Shtëpinë e Bardhë në ato momente, duke shkaktuar paqartësi mbi procesin.Teherani zyrtar ende nuk ka konfirmuar pjesëmarrjen, duke akuzuar Uashingtonin për mungesë serioziteti
Situata në terren mbetet e ndezur pas ndërhyrjes së forcave amerikane ndaj anijes tregtare iraniane “Touska”. Anija, e cila tentoi të thyente bllokadën, pësoi dëmtime në sistemin e saj shtytës pas përdorimit të forcës. Ky shënon rastin e parë të sulmit të drejtpërdrejtë ndaj një mjeti komercial gjatë këtij konflikti, veprim të cilin Irani e quajti “shenjë të pasincertitetit diplomatik”.
Kryetari i Parlamentit iranian, Mohammad-Bagher Ghalibaf, deklaroi se vendi i tij nuk do të negociojë nën kërcënim. Ai paralajmëroi se Irani ka përgatitur “karta të reja” për fushën e betejës, duke akuzuar SHBA-në se po përpiqet ta kthejë tryezën e bisedimeve në një “tryezë dorëzimi”.
