Për herë të parë, në zonat e konfliktit është vërejtur versioni amerikan i dronëve vetëvrasës, i cili është cilësuar si “përgjigjja e Uashingtonit” ndaj dronëve iranianë të tipit Shahed, që kanë shkaktuar dëme të mëdha në luftërat e fundit.
Edhe pse në pamje të parë ngjajnë me dizajnin iranian, ekspertët ushtarakë thonë se versioni amerikan (i njohur si pjesë e projektit Replicator) është shumë më i avancuar.
Shfaqja e këtyre dronëve tregon një ndryshim rrënjësor në strategjinë e Pentagonit. Pas suksesit që dronët iranianë patën në Ukrainë dhe Lindjen e Mesme, SHBA ka vendosur të investojë masivisht në dronët “low-cost” (me kosto të ulët), duke lënë mënjanë për një moment raketat miliona dollarëshe.
Ky mjet i ri, i cili është vërejtur tashmë në duart e njësive të specializuara, konfirmon se epoka e “luftës së dronëve” ka hyrë në një fazë të re. Uashingtoni po dëshmon se mund të adoptojë taktikat e armiqve të tij, duke i përmirësuar ato me teknologjinë më të lartë perëndimore.
