Shkatërrohet ura më e lartë në Lindjen e Mesme, e ndërtuar këtë vit
Një urë rreth 1000 metra e gjatë, që lidh Teheranin me qytetin industrial Karaj, është goditur në sulme ajrore, raportojnë mediat iraniane.
Sipas agjencisë gjysmëzyrtare Fars, ura B1, me lartësi 136 metra, konsiderohej si më e larta në Lindjen e Mesme dhe ishte inauguruar më herët gjatë këtij viti.
Mediat shtetërore e kishin cilësuar këtë urë si “një nga projektet më komplekse inxhinierike në Azinë Perëndimore”.
Ndërkohë, televizioni iranian Press TV raportoi se vlera e projektit arrinte rreth 400 milionë dollarë.
Karaj, që ndodhet rreth 40 kilometra larg Teheranit, është një nga qendrat kryesore industriale të Iranit.
