Autoritetet iraniane kanë ekzekutuar një burrë të lidhur me protestat antiqeveritare që shpërthyen në janar, sipas mediave shtetërore.
Amnesty International bëri të ditur se Amirhossein Hatami (18) ishte një nga 11 personat që, sipas tyre, janë torturuar dhe keqtrajtuar gjatë paraburgimit, përpara se të dënoheshin në procese që organizata i cilëson si “jashtëzakonisht të padrejta” dhe të bazuara në rrëfime të detyruara.
Sipas agjencisë iraniane Mizan, gjatë marrjes në pyetje ai kishte pranuar se kishte hyrë në një objekt ushtarak në Teheran, e kishte dëmtuar dhe i kishte vënë zjarrin, si dhe kishte tentuar të siguronte armë dhe municion.
Apeli i tij u refuzua, ndërsa Gjykata e Lartë e konfirmoi vendimin.
Autoritetet iraniane kanë zhvilluar një nga goditjet më të ashpra ndaj protestuesve në historinë e Republikës Islamike, ndërsa sistemi gjyqësor ka deklaruar se dënimet tani po ekzekutohen.
