Për herë të parë pas shumë viteve, Rusia po përgatitet të zhvillojë Paradën e Fitores më 9 maj pa praninë e armatimit të rëndë ushtarak. Sipas Përfaqësueses së Lartë të BE-së, Kaja Kallas, kjo mungesë nuk është rastësi, por një tregues i qartë i gjendjes së vështirë të ushtrisë ruse në frontin e luftës në Ukrainë.
Kallas u shpreh se “matematika e zymtë” e fushëbetejës konfirmon se Rusia po pëson humbje rekord të trupave dhe mjeteve, duke dështuar në arritjen e objektivave të saj strategjikë. Ndërkohë që Moska zyrtare e arsyeton këtë vendim me “situatën aktuale”, vëzhguesit ndërkombëtarë e shohin si shenjë të shterimit të rezervave.
Përveç sfidave në terren, Kremlini po përballet edhe me izolim diplomatik. Kryeministri sllovak, Robert Fico, i cili kishte planifikuar të merrte pjesë në festimet e Moskës, ka hasur në një pengesë të papritur. Vendet baltike – Estonia, Letonia dhe Lithuania – kanë refuzuar të lejojnë kalimin e avionit të tij në hapësirën e tyre ajrore, duke e bllokuar efektivisht vizitën e tij.
