Një sukses që po bën krenare shkollën dhe qytetin e Pejës ka ardhur nga nxënësja Tara Arapi, e cila është renditur në vendin e dytë në Garën e II-të Akademike Ndërkomunale për Shkrimin e Eseve.
Lajmin e ka bërë të ditur kujdestarja e klasës, Prof. Nora Taraku, e cila ka vlerësuar lart talentin dhe përkushtimin e nxënëses së saj.
Gara, e organizuar nga AMI në bashkëpunim me Komitetin Lokal për Siguri Publike – Zona Pejë, është mbajtur më 27 prill 2026 në ShFMU “Lidhja e Prizrenit” në Pejë, duke mbledhur nxënës të talentuary
Me esenë e saj me mesazh të fuqishëm “Dashuri për të gjithë, urrejtje për askënd”, Tara arriti të dallojë mes shumë pjesëmarrësve dhe të fitojë zemrat e jurisë.
Prof. Nora Taraku u shpreh krenare për suksesin e nxënëses, duke theksuar se ky çmim është rezultat i punës, kreativitetit dhe talentit që Tara ka treguar në vazhdimësi.
Ky sukses i ri dëshmon edhe një herë se të rinjtë nga Peja vazhdojnë të shkëlqejnë në fusha të ndryshme akademike dhe kulturore.
