Kryetari i Komunës së Pejës, Gazmend Muhaxheri, ka pritur në takim kryetarin e Federatës së Sportit Shkollor të Kosovës, Adrian Telaku, së bashku me përfaqësues të federatës.
Gjatë takimit, përfaqësuesit e Federatës shprehën mirënjohje për bashkëpunimin dhe mbështetjen e vazhdueshme të Komunës së Pejës në organizimin e Gjimnaziadës, e cila për të dytin vit me radhë është zhvilluar në Pejë.
Ata falënderuan kryetarin Muhaxheri edhe për përkrahjen e sportit shkollor dhe kontributin në organizimin e Gjimnaziada 2026, si dhe për sigurimin e kombibusëve për nevojat e Drejtorisë Komunale të Arsimit.
Sipas tyre, ky investim do të lehtësojë organizimin e aktiviteteve arsimore dhe sportive, duke rritur efikasitetin dhe përmirësuar shërbimet për nxënësit dhe shkollat e komunës.
