Turqia është një nga destinacionet turistike më të njohura në botë: vetëm në vitin 2025 priti rreth 64 milionë turistë dhe realizoi të ardhura prej afërsisht 56 miliardë eurosh. Një vit më parë, ajo kishte kaluar Italinë dhe u rendit e katërta në botë, pas Francës, Spanjës dhe Shtetet e Bashkuara të Amerikës.
Pas pandemisë së COVID-19, sektori turistik turk investoi shumë për të rritur sigurinë dhe komoditetin e destinacioneve. Për këtë vit, pritshmëritë ishin që të tejkalohej shifra prej 65 milionë vizitorësh dhe të arriheshin rreth 59 miliardë euro të ardhura.
Megjithatë, lufta në Irani ka hedhur hije mbi këto parashikime optimiste. Menjëherë pas nisjes së sulmeve, nisën anulimet masive të rezervimeve në lindje dhe juglindje të Turqisë.
Zakonisht, në gjysmën e dytë të marsit, turistët nga Irani vizitojnë Turqinë për festën e Novruz, duke bërë pazar dhe duke vizituar familjarët që jetojnë atje. Por këtë vit, për shkak të situatës, pritet që këto vizita të mungojnë pothuajse plotësisht.
