Në Sarajevë është mbajtur zgjedhja e Miss Bosnja dhe Hercegovina për Miss World, ku titullin kryesor e ka fituar Lana Jahiq.
Ajo është shpallur fituese mes 19 konkurrenteve dhe do ta përfaqësojë Bosnjën dhe Hercegovinën në konkursin ndërkombëtar Miss World, i cili do të mbahet më 5 shtator në Nha Trang të Vietnamit.
Shoqëruesja e parë e këtij edicioni është shpallur Arijana Morina, ndërsa janë ndarë edhe tituj të tjerë në kategori të ndryshme gjatë mbrëmjes së finalës.
Gjatë eventit, finalistët u prezantuan në disa dalje: në veshje elegante, kostume biznesi dhe në paraqitjen finale me simbole të Bosnjës dhe Hercegovinës.
Ky edicion u karakterizua edhe me përgatitje paraprake të konkurrenteve përmes aktiviteteve të ndryshme si punëtori mode, sfilata dhe projekte sociale, në kuadër të konceptit “Beauty with a Purpose”.
