Omar Artan është rikthyer pak minuta më parë në Mogadishu, aty ku është pritur nga disa qindra bashkëkombës.
Në ditët e fundit arbitri nga Somalia ka marrë faqet e para të medieve nga e gjitha bota pasi edhe pse ishte i përzgjedhur nga FIFA për të gjykuar ndeshje të Botërorit 2026 ai nuk do të jetë në gjendje që të zbresë në fushë pasi iu mohua e drejta e hyrjes në territorin amerikan nga policia kufitare e Shteteve të Bashkuara të Amerikës.
Artan, i cili do të ishte arbitri i parë somalez që do të gjykonte në një Botëror, nuk do të ketë mundësi të bëjë histori për vendin e tij edhe pse rezulton mes arbitrave më të mirë të Afrikës.
