Modelja 32-vjeçare, Georgina Rodríguez, ka pushtuar vëmendjen e mediave gjatë parakalimit në Muzeun Metropolitan të Artit në New York, duke treguar për herë të parë në një ngjarje të këtyre përmasave unazën e saj masive të fejesës.
E fejuara e Cristiano Ronaldos u shfaq me një fustan korse në ngjyrë të kaltër (teal) dhe një vello transparente të përshtatur me lule dantelle të qëndisura me dorë. Kjo veshje unike është rezultat i bashkëpunimit mes stilistit Ludovic de Saint Sernin dhe shtëpisë prestigjioze të bizhuterive, Chopard.
Përtej luksit, Rodríguez zbuloi se e gjithë pamja e saj kishte një domethënie të thellë shpirtërore. Përmes një postimi në Instagram, ajo sqaroi se stili ishte një dedikim ndaj besimit të saj:
“Kjo pamje është frymëzuar nga përkushtimi im ndaj Zonjës së Fatimes,” u shpreh modelja. “Butësia e figurës dhe tonet e kaltra që përcaktojnë imazhin e saj u bënë themeli i kësaj krijese, duke përkthyer spiritualitetin në modë të lartë (couture).”
Ndonëse fustani mori vlerësime të larta nga kritikët e modës, ishte pikërisht diamanti gjigant në gishtin e saj që konfirmoi statusin e ri të çiftit më të komentuar në botë. Kjo paraqitje në Met Gala 2026 shënon një nga momentet më ikonike të modeles në skenën ndërkombëtare.
