Eva Longoria ka treguar edhe një herë pse konsiderohet një ikonë e stilit, duke u shfaqur në ceremoninë “AFI Life Achievement Awards” në Hollywood me një pamje që kombinoi thjeshtësinë me detaje dramatike. Aktorja mori pjesë në mbrëmjen dedikuar Eddie Murphy-t, ku fustani i saj “i vogël i zi” mori të gjithë vëmendjen e fotografëve.
Longoria zgjodhi një fustan mbrëmjeje prej kadifeje të zezë me rripa të hollë dhe dekolte të hapur, i cili ndiqte linjat e trupit të saj. Megjithatë, ajo që e bënte këtë veshje të veçantë ishte pjesa e poshtme: nga ijët, fustani hapej me një material transparent asimetrik që krijonte një përshtypje lehtësie dhe lëvizjeje gjatë ecjes.
Ky gërshetim i kadifes së rëndë me tylin transparent i dha të gjithë pamjes një dimension tjetër, duke e shndërruar një zgjedhje “të sigurt” në një deklaratë të vërtetë mode.
Ajo që surprizoi më shumë kritikët e modës ishte aksesor i papritur: Longoria mbante në dorën e djathtë vetëm një dorezë transparente, të dekoruar me aplikacione lulesh. Ky detaj i dha stajlimit një dozë lozonjare dhe e theu thjeshtësinë e fustanit klasik.
