Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet maksimale të lejuara për shitjen e derivateve të naftës në tregun e Kosovës, të vlefshme për datën 22 prill 2026.
Sipas vendimit të fundit, çmimet tavan që do të aplikohen në të gjitha pikat e shitjes me pakicë janë si vijon:
- Nafta (dizel): 1.65 euro për litër;
- Benzina: 1.39 euro për litër;
- Gasi: 0.88 euro për litër.
Këto çmime hyjnë në fuqi zyrtarisht nga ora 10:00 dhe do të jenë valide për 24 orë nga momenti i publikimit. MINT u bën thirrje operatorëve ekonomikë që të respektojnë këto kufizime, ndërsa inspektimet në terren do të vazhdojnë për të parandaluar çdo abuzim me çmimet.
