Situata midis Shteteve të Bashkuara dhe Iranit ka hyrë në një fazë kritike. Presidenti Donald Trump ka mbledhur sot me urgjencë ekipin e tij të sigurisë kombëtare në “Situacion Room” të Shtëpisë së Bardhë, për të diskutuar krizën e re në Ngushticën e Hormuzit dhe bllokimin e negociatave me Teheranin.
Sipas zyrtarëve amerikanë, tensionet janë rritur pasi ka mbetur shumë pak kohë për një marrëveshje:
- Skadimi i armëpushimit: Kanë mbetur vetëm 72 orë para se armëpushimi aktual të skadojë.
- Pa datë takimi: Deri më tani, nuk është caktuar asnjë datë e re për raundin tjetër të bisedimeve midis negociatorëve amerikanë dhe atyre iranianë.
- Kërcënimi i Teheranit: Irani ka paralajmëruar mbylljen e sërishme të Ngushticës së Hormuzit, ndërkohë që janë raportuar sulme mbi anijet tregtare në këtë zonë strategjike.
“Nëse nuk arrihet një përparim i dukshëm shumë shpejt, lufta mund të rinisë brenda ditëve të ardhshme,” ka paralajmëruar një zyrtar i lartë amerikan në kushte anonimiteti.
