E përditësuar:
Vjosa Osmani: “Partia në pushtet nuk e ka përkrahur kandidaturën time”
Presidentja e Kosovës, Vjosa Osmani, ka deklaruar se dekreti për shpërbërjen e Kuvendi i Kosovës nuk është marrë për ndonjë interes personal.
Në një intervistë në emisionin e gazetarit Çim Peka, Osmani theksoi se nëse do të kishte pasur interes personal, situata mund të ishte interpretuar ndryshe.
“Ky dekret nuk është nxjerr për asnjë interes personal. Sikur dikush të mendonte që vlerësimi ynë ka qenë se duhet të ketë edhe 60 ditë shtesë, a nuk do të më përshtatej mua që të kem edhe 60 ditë shtesë?”, u shpreh ajo.
Presidentja hodhi poshtë edhe pretendimet se vendimi i saj ka qenë rezultat i ndonjë reagimi emocional apo nervozizmi të momentit.
“Nuk ka këtu nervozizëm të momentit. Arsyeja pse nuk kam dalë në publik derisa u kalua afati kushtetues ka qenë se nuk kam dashur në asnjë moment të ndërhyj në procesin e zgjedhjes së presidentit”, deklaroi Osmani.
Ajo shtoi se gjatë procesit ka qenë e qartë se partia në pushtet kishte një qasje tjetër sa i përket kandidaturës për president.
“Ka qenë shumë e qartë se partia në pushtet ka dashur të shkojë me emra krejtësisht të rinj dhe të mos e përkrahë kandidaturën time. Përkundër kësaj nuk kam dalë në publik, kam qëndruar e heshtur sepse kam dashur që në mënyrë të qetë ta lë procesin të zhvillohet normalisht, kushdo qoftë kandidati”, theksoi Osmani.
Sipas saj, qëllimi ka qenë që proceset institucionale të zhvillohen pa ndërhyrje dhe pa tensione të panevojshme politike.
Presidentja e Kosovës, Vjosa Osmani, ka deklaruar se nuk ka frikë nga vendimi i Gjykata Kushtetuese e Kosovës lidhur me dekretin e saj për shpërbërjen e Kuvendi i Kosovës.
Në një intervistë në emisionin e gazetarit Çim Peka, Osmani tha se vendimet e qeverisë në të kaluarën janë dërguar disa herë në Gjykatën Kushtetuese dhe janë shpallur jokushtetuese, ndërsa sipas saj kjo është parë si diçka normale në funksionimin e institucioneve.
Ajo theksoi se pret që Gjykata Kushtetuese të vendosë në mënyrë profesionale dhe pa presione.
“Aspak nuk kam frikë se Gjykata Kushtetuese do ta rrëzojë dekretin tim për shpërbërjen e Kuvendit. E vetmja që pres është që Gjykata të vendosë në përputhje me parimin e integritetit, profesionalizmit dhe interpretimit të lirë të Kushtetutës, pa presione”, u shpreh Osmani.
Presidentja shtoi se është e bindur që dekreti i saj është në përputhje me Kushtetutën, ndërsa theksoi se askush nuk është i pagabueshëm.
“Po e them qartë se unë nuk jam Pejgamber që të mos bëj ndonjëherë gabime. Prandaj ekziston Gjykata Kushtetuese”, deklaroi ajo.
