Ambasadorja shqiptare në Selinë e Shenjtë, Majlinda Frangaj, është nderuar nga Vatikani me titullin “Dama e Kryqit të Madh të Urdhrit Piano”, një nga dekoratat më të larta civile që jep Selia e Shenjtë.
Urdhri Piano, i themeluar nga Papa Piu IX, konsiderohet ndër dekoratat më prestigjioze të Selisë së Shenjtë dhe u akordohet një numri të kufizuar figurash në diplomaci, kulturë, humanizëm dhe jetën publike ndërkombëtare.
Titulli “Kryqi i Madh” përfaqëson nivelin më të lartë të këtij vlerësimi civil.
Në dekretin zyrtar, ambasadores shqiptare i njihet edhe e drejta për të mbajtur simbolin zyrtar të Urdhrit, si shenjë e lidhjes së veçantë me Selinë e Shenjtë dhe e rolit të saj në promovimin e dialogut dhe bashkëpunimit.
Majlinda Frangaj shërben si ambasadore e Shqipërisë në Vatikan prej vitit 2023 dhe ky vlerësim konsiderohet si një tjetër moment domethënës në marrëdhëniet mes Shqipërisë dhe Selisë së Shenjtë.
/rtsh.al/
