Vajza e Angelina Jolie, Shiloh Jolie (19), ka tërhequr vëmendje të madhe të publikut pasi u shfaq në teaser-in e videoklipit të ri të këngëtares K-pop Dayoung.
Në videon e shkurtër promovuese për këngën “What’s a Girl to Do”, e cila pritet të publikohet më 7 prill, Shiloh shfaqet në një sekuencë kërcimi, me flokë të kapura pas, makijazh të theksuar dhe detaje stilistike që theksojnë ngjashmërinë e saj fizike me nënën e saj.
Kjo ngjashmëri është bërë menjëherë temë diskutimi në rrjetet sociale, ku përdoruesit kanë theksuar se ajo duket pothuajse identike me Angelina Jolie në vitet e saj të rinisë.
Sipas njoftimeve të kompanisë produksionale Starship Entertainment, Shiloh është përzgjedhur për videoklipin pas një audicioni të hapur në Shtetet e Bashkuara, ku organizatorët fillimisht nuk ishin në dijeni se kush ishte ajo. Vetëm pas xhirimeve u zbulua se bëhej fjalë për vajzën e yjeve të njohur të Hollywood-it.
Edhe pse ende nuk është konfirmuar nëse në versionin final të videoklipit ajo do të ketë një rol më të madh si balerinë apo aktore, dihet se Shiloh prej vitesh po zhvillon karrierën e saj në botën e kërcimit, ku ka fituar reputacion si një balerinë dhe koreografe e talentuar.
Paraqitjet e saj të mëhershme dhe videot virale kanë tërhequr vëmendjen e koreografëve dhe publikut, të cilët kanë vlerësuar talentin e saj.
Vëmendje shtesë nga publiku ka shkaktuar edhe fakti se artistja e re më herët ka ndryshuar emrin, duke hequr mbiemrin e të atit Brad Pitt, dhe tani përdor vetëm Jolie.
Look at Shiloh, man. Crazy to see Angie’s kids follow in her footsteps. https://t.co/ZehUSRs9V7 pic.twitter.com/qIgnzVEpyo
— 𐌊𖤓 (@lyntwig_) April 3, 2026
