Ish-menaxheri i Manchester United, Sir Alex Ferguson, është dërguar në spital gjatë pasdites së sotme pasi nuk u ndje mirë ndërsa ndodhej në stadiumin “Old Trafford”. 84-vjeçari kishte udhëtuar drejt stadiumit për të ndjekur derbin e madh të Premier League kundër Liverpool-it, por u dërgua për ndihmë mjekësore më shumë se një orë përpara fillimit të ndeshjes.
Mësohet se ky veprim është ndërmarrë thjesht si masë paraprake dhe pritet që ai të kthehet së shpejti në shtëpi për t’u rikuperuar. Megjithëse Ferguson pësoi një hemorragji cerebrale në vitin 2018, nuk ka asgjë që të sugjerojë se incidenti i sotëm është i lidhur me atë problem të kaluar shëndetësor.
