Forcat ruse po krijojnë qëllimisht kushtet për një katastrofë biologjike në pjesën e pushtuar të rajonit Kherson, ka bërë të ditur Drejtoria kryesore e Inteligjencës Ushtarake të Ukrainës (HUR).
Sipas të dhënave të inteligjencës, trupat ruse po transportojnë mbetjet e kafshëve të infektuara dhe po i varrosin ato në afërsi të zonave të banuara. Zonat më të rrezikuara nga ky veprim raportohet të jenë rrethinat e Askania-Nova, Skadovsk dhe Zaliznyi Port.
Zyrtarët e inteligjencës ukrainase kanë lëshuar një alarm emergjent, duke paralajmëruar se këto veprime rrisin ndjeshëm rrezikun e shpërthimit të një epidemie të Antraksit (shytës së zezë).
Ekspertët shëndetësorë tërheqin vërejtjen se një shpërthim i tillë do të kishte pasoja fatale për popullatën civile. Ndër rreziqet kryesore për njerëzit rreshtohen:
- Ulcera të rënda të lëkurës dhe nekrozë (vdekje) e indeve.
- Dëmtime të rënda në mushkëri dhe dështim akut i sistemit të frymëmarrjes.
- Helmim i gjakut (sepsis).
- Shkallë e lartë e vdekshmërisë në rast të mungesës së trajtimit të menjëhershëm mjekësor.
Situata mbetet kritike, ndërsa autoritetet ukrainase po monitorojnë lëvizjet në rajonet e izoluara nga pushtimi./nexta/
