Ylli i muzikës amerikane, Rihanna, ka “ndezur” rrjetet sociale me fushatën e fundit për markën e saj të të brendshmeve, Savage X Fenty. Këngëtarja ka pozuar me një komplet të kuq me motive lulesh, duke nxjerrë në pah linjat e saj dhe duke kompletuar pamjen me bizhuteri ari dhe taka të kuqe.
“Po vjen një verë e nxehtë”, ka shkruar Rihanna në përshkrimin e fotove në Instagram, duke paralajmëruar koleksionin e ri që pritet të jetë pjesë e tregut për sezonin e ardhshëm. Reagimet e fansave kanë qenë të menjëhershme, duke e cilësuar atë si “mbretëreshë” dhe “dinamit”, ndërsa shumë prej tyre kanë theksuar se vetëm ajo mund të kurojë një stil të tillë kaq guximshëm.
Ndonëse Rihanna po korr suksese të jashtëzakonshme si sipërmarrëse në botën e kozmetikës dhe modës, adhuruesit e muzikës vazhdojnë të jenë të etur për këngë të reja. Që nga albumi i saj i fundit “Anti” në vitin 2016 dhe kënga “Lift Me Up” në 2022, këngëtarja është fokusuar pothuajse tërësisht në bizneset e saj personale, duke lënë pas dore përkohësisht skenën muzikore.
