Fabrika “Family Agusholli Sweets” ka mirëpritur sot në ambientet e saj përfaqësues të KFOR-it Italian, në një vizitë ku u prezantuan nga afër proceset e punës, standardet e prodhimit dhe vizioni i kompanisë për zhvillim të qëndrueshëm.
Nga kompania u bë e ditur se gjatë kësaj vizite mysafirët patën mundësinë të njihen më afër me aktivitetin dhe funksionimin e fabrikës, si dhe me përkushtimin ndaj cilësisë dhe avancimit të vazhdueshëm në prodhim.
“Family Agusholli Sweets” shprehu mirënjohje për vizitën dhe interesimin e treguar nga përfaqësuesit e KFOR-it Italian, duke e vlerësuar këtë takim si një moment të rëndësishëm bashkëpunimi dhe promovimi të punës së tyre.
Vizita u zhvillua në një atmosferë miqësore dhe profesionale, duke lënë hapësirë për diskutime rreth zhvillimit, inovacionit dhe perspektivës së bashkëpunimeve të ardhshme.
