Ish-presidenti amerikan, Barack Obama, ka rikthyer debatet mbi një nga misteret më të mëdha botërore.
I ftuar në podcastin e Brian Tyler Cohen, Obama u pyet nëse ekzistojnë jashtëtokësorët. Ai u përgjigj me humor se “po”, por theksoi se personalisht nuk ka parë kurrë alienë.
Gjithashtu, ai hodhi poshtë teoritë e njohura të konspiracionit që pretendojnë se jashtëtokësorët mbahen në një bazë sekrete nëntokësore në zonën famëkeqe Area 51.
Sipas raportimit të Fox News, deklaratat e Obamës kanë nxitur reagime të shumta dhe kanë rindezur diskutimet mbi fenomenet ajrore të paidentifikuara dhe teoritë që i rrethojnë ato.
