Nënkolonel Agron Murati ka pranuar zyrtarisht detyrën e atasheut të Mbrojtjes të Republikës së Kosovës në Republikën e Kroacisë.
Në kuadër të mandatit të tij të ri, Murati do të angazhohet në avancimin e bashkëpunimit ndërinstitucional, forcimin e partneritetit në fushën e sigurisë dhe mbrojtjes, si dhe thellimin e marrëdhënieve mes dy vendeve.
Ky emërim vlerësohet si një hap i rëndësishëm në fuqizimin e mëtejshëm të bashkëpunimit të shkëlqyer në fushën e mbrojtjes ndërmjet Republikës së Kosovës dhe Republikës së Kroacisë.
Përmes këtij angazhimi synohet të kontribuohet edhe në zhvillimin e marrëdhënieve dypalëshe, shkëmbimin e përvojave dhe rritjen e koordinimit në çështjet e sigurisë dhe mbrojtjes.
