Vizitorët e Festivalit të Luleve në Shanghai kanë mbetur të shtangur nga një instalacion i jashtëzakonshëm që duket sikur ka dalë nga një botë imagjinare. Edhe pse në shikim të parë ngjan me një imazh të krijuar nga Inteligjenca Artificiale (AI) për shkak të precizitetit dhe ngjyrave vibrante, bëhet fjalë për një skulpturë reale të punuar me mijëra lule natyrale.
Ky “qen prej lulesh” është bërë menjëherë atraksioni kryesor i festivalit, duke u shndërruar në imazhin më të shpërndarë në rrjetet sociale. Vizitorët po dynden për të bërë fotografi pranë kësaj vepre arti që sfidon kufijtë mes reales dhe virtuales.
