Veprimtari Martin N. Çuni është nderuar për kontributin e tij shumëvjeçar në çështjen kombëtare, në një aktivitet ku u vlerësua angazhimi i tij si gjatë periudhave të rezistencës, ashtu edhe pas luftës.
Në reagimet e publikuara me këtë rast, Çuni u cilësua si përfaqësues i një brezi atdhetarësh që nuk u tërhoqën përballë burgjeve dhe sfidave të luftës, duke mbetur simbol i përkushtimit ndaj idealit kombëtar.
Po ashtu, u vlerësua fakti se ai vazhdon të jetë aktiv edhe sot në jetën publike, duke kontribuar përmes shkrimeve, tregimeve dhe publicistikës në dokumentimin e historisë dhe ruajtjen e kujtesës kolektive.
Vlerësime mori edhe Organizata e Veteranëve të Luftës së UÇK-së në Has, e udhëhequr nga Xhevdet Thaqi, për organizimin e nismave që synojnë të nderojnë veprimtarët dhe luftëtarët e çështjes kombëtare, si dhe të kujtojnë sakrificën e dëshmorëve për lirinë e Kosovës.
