Kryetari i Komunës së Pejës, Gazmend Muhaxheri, i shoqëruar nga bashkëpunëtorët e tij, ka pritur sot në një takim zyrtar komandantin e Grupit Mbështetës të Ushtrisë Amerikane për Ballkanin, nënkolonelin Miguel Cisneros.
Gjatë këtij takimi, fokus i veçantë iu kushtua bashkëpunimit të shkëlqyer dhe të vazhdueshëm ndërmjet institucioneve lokale dhe partnerëve ndërkombëtarë. Bashkëbiseduesit vlerësuan lart marrëdhëniet miqësore dhe ritheksuan përkushtimin e përbashkët për të punuar në drejtim të zhvillimit dhe rritjes së sigurisë në rajon.
“Sot, së bashku me bashkëpunëtorët e mi, prita në takim komandantin e Grupit Mbështetës të Ushtrisë Amerikane për Ballkanin, nënkolonelin Miguel Cisneros. Gjatë takimit diskutuam për bashkëpunimin e vazhdueshëm ndërmjet institucioneve lokale dhe partnerëve ndërkombëtarë, me theks të veçantë në forcimin e marrëdhënieve miqësore dhe mbështetjen për zhvillimin dhe sigurinë në rajon,” ka thënë kryetari Muhaxheri.
Takimi rikonfirmon edhe një herë lidhjen e fortë të institucioneve lokale me praninë ushtarake dhe diplomatike amerikane, si një shtyllë e rëndësishme për stabilitetin dhe progresin e mëtejshëm të komunës dhe rajonit më gjerë.
