Sot, në Fakultetin e Arteve është realizuar konstituimi i Trupës Këshilldhënëse, një organ me rëndësi të veçantë për zhvillimin dhe avancimin e kësaj njësie akademike.
Me ftesë të dekanit të Fakultetit të Arteve, Fatbardh Gashi, në këtë takim morën pjesë personalitete të njohura nga fusha e kulturës, arsimit dhe institucioneve publike, të cilët do të kontribuojnë me rekomandime dhe propozime konkrete në funksion të zhvillimit akademik dhe artistik.
Pjesë e kësaj trupe janë:
- Xhenete Syka, drejtoreshë për Kulturë, Rini dhe Sport
- Krenare Luta, drejtoreshë e Teatrit “Istref Begolli”
- Vesel Krasniqi, drejtor i Shkollës së Muzikës “Lorenc Antoni”
- Qemajl Sejdija, drejtor i Arsimit në Komunën e Klinës
- Bekim Vishaj, drejtor i Muzeut në Deçan
- Naser Dula, drejtor në Shkollën e Muzikës “Faik Sylka” në Rahovec
- Pëllumb Vula, profesor në Shkollën e Muzikës “Prenk Jakova” në Gjakovë
- Naser Gega, drejtor i Arsimit në Pejë
- Rreze Kastrati, drejtoreshë e Shkollës së Muzikës “Halit Kasapolli” në Pejë
- Mentor Zajmi, profesor në Shkollën e Muzikës “Lorenc Antoni” në Prizren
- Kastriot Sada, drejtor në Shkollën e Muzikës “Prenk Jakova” në Gjakovë
Gjatë mbledhjes, si kryesuese e Trupës Këshilldhënëse u zgjodh Xhenete Syka, ndërsa si zëvendëskryesuese u zgjodh Krenare Luta.
Dekani Fatbardh Gashi uroi kryesinë dhe anëtarët e kësaj trupe, duke theksuar rëndësinë e bashkëpunimit të tyre në proceset zhvillimore të Fakultetit të Arteve, përmes rekomandimeve dhe ideve që do të ndikojnë në pasurimin e veprimtarisë akademike, artistike dhe kulturore.
Konstituimi i kësaj trupe konsiderohet një hap i rëndësishëm drejt forcimit të bashkëpunimit ndërinstitucional dhe avancimit të mëtejmë të Fakultetit të Arteve.
