Me rastin e shënimit të Ditës së Çlirimit të Klinës, Komuna e Klinës ka organizuar një seancë solemne, gjatë së cilës është vlerësuar dhe nderuar figura e çmuar politike dhe kombëtare, z. Ramë Manaj.
Në emër të Komunës së Klinës, udhëheqja lokale ka ndarë një mirënjohje të veçantë për ish-kryetarin e kësaj komune dhe ish-zëvendëskryeministrin e Republikës së Kosovës, Ramë Manaj, në shenjë vlerësimi për kontributin e tij të jashtëzakonshëm atdhetar e politik.
Vlerësimi për sakrificën dhe rrugëtimin shtetformues
Ndarja e kësaj mirënjohjeje vjen si reflektim i respektit dhe vlerësimit të lartë institucional për angazhimin e palodhshëm të z. Manaj ndër vite, si dhe për sakrificën e tij familjare në rrugëtimin e vështirë drejt lirisë, pavarësisë dhe ndërtimit të institucioneve të shtetit të Kosovës.
Gjatë ceremonisë u veçua roli i tij kyç dhe vendimtar në proceset historike dhe shtetformuese nëpër të cilat ka kaluar vendi, duke qenë gjithmonë në shërbim të qytetarëve dhe kauzës kombëtare.
