Turneu madhështor mbarëshqiptar i futbollit, “AF Cup Events Summer”, i cili po zhvillohet në qytetin bregdetar të Durrësit, ka kthyer sytë e të gjithëve nga talentet e jashtëzakonshëm të Kosovës. Mes dhjetëra klubeve pjesëmarrëse nga të gjitha trojet shqiptare, djelmoshat e Klubit Futbollistik Peja kanë bërë ligjin duke shënuar një sukses të jashtëzakonshëm për futbollin e moshave.
Në një garë tejet të fortë dhe me rivalitet të lartë, tri gjenerata të ndryshme të klubit pejan, pikërisht grupmoshat U9, U11, U13, U15 dhe U17, kanë dominuar në fushat e blerta dhe kanë arritur të kualifikohen zyrtarisht në finalet e mëdha që do të mbahen ditën e martë.
Djemtë e KF Peja kanë treguar jo vetëm karakter dhe disiplinë të hekurt, por edhe një nivel të lartë teknik që ka mahnitur organizatorët dhe skautët e pranishëm në Durrës. Që nga loja plot energji e fëmijëve të gjeneratës U9, e deri te pjekuria taktike e treguar nga djemtë e U15 dhe U17, ky sukses dëshmon punën e palodhshme që po bëhet me shkollën e futbollit në qytetin e Pejës.
Ky rezultat i jashtëzakonshëm ka ndezur festën tek trajnerët dhe mbarë sportdashësit pejanë, të cilët tani i kanë sytë nga bregdeti shqiptar me shpresën e madhe për t’u kthyer në shtëpi me trofetë e kampionëve.
Ne i urojmë nga zemra futbollistët e KF Peja që të shpallen triumfues në këtë kompeticion prestigjioz mbarëshqiptar dhe të kthehen kokëlartë në Pejë, duke shkruar një tjetër faqe të ndritur për sportin e tyre.
