Naimi ishte i njohur për vite me radhë si kamerier në Hotel Dukagjini, ku me përkushtimin dhe buzëqeshjen e tij kishte fituar respektin e kolegëve dhe dashurinë e shumë qytetarëve. Largimi i tij i parakohshëm ka pikëlluar thellë familjen, miqtë dhe gjithë komunitetin.
Dhimbjen për këtë humbje e kanë shprehur menaxhmenti i Hotel Dukagjinit, kolegët e tij si dhe shumë shokë e qytetarë.
Me një mesazh prekës ka reaguar edhe vëllai i tij, Shpëtim Kaliqani:
“…Në asnjë cep të kësaj bote nuk u gjet ilaç për ty. Shumë shpresove e shumë durove… Bashkë me ty sot vdiq edhe gjysma ime… Deri në takimin tonë të radhës, aty ku nuk ka më ndarje, mirupafshim. ALL-LLAHI të mëshiroftë me Xhehnet.”
Ngushëllime të sinqerta familjes Kaliqani, miqve dhe të gjithë atyre që e njohën Naimin.
