Jennifer Lopez ka “ndezur” sërish rrjetet sociale pas publikimit të pamjeve nga koncerti i saj i fundit në Las Vegas, ku u shfaq me një outfit mjaft të guximshëm.
Këngëtarja u pa e veshur me një kombinim të ngushtë, transparent, të punuar me material dantelle që i përshtatej plotësisht linjave të trupit dhe theksonte fizikun e saj.
Sipas pamjeve të publikuara, veshja përfshinte edhe një korse të integruar poshtë materialit rrjetë, e cila i jepte edhe më shumë formë dhe theks figurës së saj.
Duke marrë parasysh që shpesh është objekt kritikash për veshjet e saj provokuese në skenë, Jennifer Lopez e komentoi edhe vetë këtë çështje gjatë koncertit.
“Pse gjithmonë vesh gjëra të tilla?”, tha ajo me ironi në skenë, ndërsa më pas u shëtit nëpër skenë dhe u kthye për t’i theksuar linjat e saj, gjë që u prit me duartrokitje dhe ovacione nga publiku.
Ajo buzëqeshi dhe shtoi: “Ende nuk e di për çfarë po flasin.”
Pamjet që e tregojnë Jennifer Lopez me një kombinezon provokues u bënë virale në rrjetet sociale, veçanërisht në X (ish-Twitter), ku përdoruesit përsëri debatuan nëse këto paraqitje i përshtaten një këngëtareje 56-vjeçare.
