Lufta në Lindjen e Mesme po i kushton ekonomisë së Bashkimit Evropian rreth 500 milionë euro në ditë, një shifër alarmante që pasqyron dëmin e lartë financiar të shkaktuar nga bllokadat dhe rritja e çmimeve. Komisioneri Evropian për Ekonominë, Valdis Dombrovskis, ka bërë të ditur se ekonomia e bllokut ka pësuar një rënie prej 0.2 deri në 0.6 për qind si pasojë e drejtpërdrejtë e konfliktit.
Sipas tij, situata ka sjellë një rritje drastike prej 60 për qind të çmimit të gazit natyror, si dhe një shtrenjtim të ndjeshëm të karburantit për aviacionin. Këto pasoja rëndohen edhe më shumë nga ndërprerja e zinxhirëve të furnizimit, pasi mbyllja praktike e ngushticës së Hormuzit nga Irani ka paralizuar rrugët kryesore tregtare. Humbja ditore prej 500 milionë eurosh, që përllogaritet në rreth 584 milionë dollarë, tregon sfidën e madhe me të cilën po përballet BE-ja për të ruajtur stabilitetin ekonomik përballë krizës gjeopolitike në rajon.
