Veprimtari i njohur shqiptaro-amerikan, Harry Bajraktari, ka bërë publik lajmin e hidhur për ndarjen nga jeta të bashkëshortes së tij, Lisa Milicaj Bajraktari.
Përmes një njoftimi, familja Bajraktari bëri të ditur se Lisa Milicaj Bajraktari u nda nga jeta, duke lënë pas një dhimbje të madhe për familjen, të afërmit dhe të gjithë ata që e njohën.
Në mesazhin e publikuar, familja e përshkruan Lisën si një bashkëshorte, nënë, gjyshe, bijë dhe motër të përkushtuar, duke theksuar se gjatë gjithë jetës së saj ajo mbeti e lidhur ngushtë me familjen, Amerikën dhe çështjen shqiptare.
Familja ka falënderuar të gjithë për ngushëllimet, fjalët e mira dhe lutjet në këto momente të vështira.
Sipas njoftimit, homazhet dhe pritja e ngushëllimeve do të mbahen të premten, më 31 korrik, nga ora 15:00 deri në 21:00, në Pleasant Manor Funeral Home në Thornwood, New York.
Shërbimi kishtar do të zhvillohet të shtunën, më 1 gusht, në ora 09:00, në kishën Our Lady of Shkodra në Hartsdale, New York, ndërsa ceremonia e varrimit do të mbahet në ora 12:30 në Washington Memorial Park Cemetery, në Mount Sinai, New York, në parcelën familjare Bajraktari.
Në fund të njoftimit, familja shprehet: “Shpirti i saj u prehtë në paqe dhe i përjetshëm qoftë kujtimi i saj.”
