Spitali i Përgjithshëm në Pejë është përforcuar me gjashtë mjekë specialistë të rinj, të cilët pritet të kontribuojnë në përmirësimin e shërbimeve shëndetësore për pacientët.
Ekipit mjekësor të spitalit i janë bashkuar:
- Dr. Linda Carrabregu – oftalmologe
- Dr. Kaltrine Camaj Blakaj – gjinekologe
- Dr. Melos Kelmendi – specialist i ORL-së
- Dr. Rilind Imeraj – pulmolog
- Dr. Kushtrim Mulaj – pulmolog
- Dr. Valmir Muhaxheri – pulmolog
Mjekët e rinj u pritën nga Drejtori Ekzekutiv i spitalit, Dr. Fahri Hasani, dhe Drejtori Mjekësor, Dr. Shkumbin Berisha, të cilët u uruan mirëseardhje dhe suksese në angazhimin e tyre profesional.
Sipas njoftimit të spitalit, nga sot ata kanë filluar zyrtarisht punën në Spitalin e Përgjithshëm në Pejë, duke iu bashkuar stafit mjekësor në ofrimin e kujdesit shëndetësor për qytetarët.
