Belgjika është përfshirë nga një valë protestash masive, ku mijëra qytetarë kanë mbushur rrugët kryesore të qyteteve për të kundërshtuar politikat e reja sociale. Pamjet e fundit tregojnë turma të pafundme njerëzish që mbajnë në duar pankarta me numrat “6” dhe “7” të kryqëzuar.
Edhe pse në shikim të parë këto simbole duken misterioze, arsyeja pas tyre është mjaft e qartë: populli po proteston kundër planit të qeverisë për të rritur moshën e daljes në pension në 67 vjeç.
Protestuesit po kërkojnë që moshës së pensionimit të mos i prekë kufiri aktual, duke argumentuar se kjo masë rëndon jetën e punëtorëve dhe mohon të drejtën për një pushim të merituar pas dekadave të tëra punë. Përveç pankartave me numrin “67” të ndaluar, në thirrjet e tyre dëgjohen slogane për drejtësi sociale dhe mbrojtje të të drejtave të punës.
Deri më tani, këto tubime konsiderohen si ndër më të mëdhatë të viteve të fundit në Belgjikë, ndërsa sindikatat kanë paralajmëruar se nuk do të ndalen derisa kërkesat e tyre të merren parasysh nga autoritetet.
