Aksi rrugor Qafë Thore-Theth vijon të jetë i bllokuar edhe në fillim të kësaj jave, konkretisht në segmentin pranë tuneleve panoramike.
Sipas informacioneve, po kryhen punime paraprake për pastrimin e rrugës deri në zonën ku kanë rënë ortekët, të cilat kanë vështirësuar qarkullimin dhe kanë krijuar rrezik për automjetet.
Ekspertët e Autoriteti Rrugor Shqiptar bëjnë me dije se janë nisur drejt terrenit për të vlerësuar nga afër gjendjen aktuale dhe nivelin e sigurisë, me qëllim ndërhyrjen në zonën e tuneleve.
/rtsh.al/
